L'abonu,
el cuchu que cheira,
la mierda de fégados y butiellos,
El sangre podriu que a gomitar obliga.
El gómitu de butiellu a gorxa que sal a gurgullones d'adientru afuera. Dende lu escuru.
La blasfemia cogüelmada de impotencias y coraxes.
L'odiu,
el mal querer pola cousa que nun pudo,
la pena de nun ser lu que quisimos,
L'avaricia de querer too en sin falta,
que vien, de la nuesa baixa altura.
L'egoismu por complexos feichos de feuras,
unas regaladas,
outras deixadas de cayer teyaos,
de cayer las manos,
de cayer l'ánima.
Los miedos a cayer que a mi salvan,
onque a ti maten .
Los güeyos pechaos, y embozaos oyíos,
al insultu y mosquilones al tou hermanu.
Los miedos.
Los árboles arrincaos pola pereza,
de nun agachanos cuando pasamos.
La mierda.
Gula de too opiáceu tragao cada segundu,
pa nun tar llorando nos llugares por llevar los güeyos del sentimientu encesos .
O por nun vere.
Gula pa tapa'l mieu vacíu,
pa tapá la mia conocencia.
Manteigas que acutamos nel bandullu,
atropadas pola desesperanza.
Sulfatos qu'afuegan,
y you sigo,
sentao nel tractore semando muerte.
Por pereza.
Pereza polo inxustu de non dame,
una fugaza pan por diez patacas.
¿Nun sabes?
Mierda.
Complexos.
Envidia por nun tener el tou cuerpu,
por ser you ruin y feu en sin culpa,
¡Si you quería xugar al baloncestu,
y salí piquiñin cumo un bermeyu!
Y mal querer mal queríu,
deseyos de que la tua moza muerra,
por nun dexar de ser tuya,
y nun ser miya.
Debilidá p'amarrar los mieos arranques,
por nun tener padres que me deprendan.
Por nun venir al mundiu con más sesos,
por venir ensin manos que m'acuchen.
Por nun tener manu qu'afalagara.
Por nun salir posándome na llana,
y dir cayer n'escambriones de fierru.
Soberbia, y vanidá seya altu o baixu,
por nun parlar con güelas d'unos cientos.
Dame igual.
Ye igual o acumpara.
Soberbia,
vanidá,
y más,
y más...
Cogüelmao cumo dixe d'esti abonu,
abonu soi, soi abonu.
Onde ta el fedor que-y damos al escambrión,
de feder diendo al mareu,
a namoranos.
A la tierra volvimos.
¿Pereza, outra vegada,
porque cayóu del mieu llau,
el tueiru últimu d'esperanza,
el tueiru que me sofitaba?
Y cayí.
Cayí nel cierru últimu prendíu,
conel volvíme too en cernada.
Y n'esti esturáu múndiu...
¿Qué ye la cernada?
La cernada ye abonu.
Na tierra quedemos.
Nos cielos quedemos.
Nunca supi porque non llegabas.
Nun supi porque non llegabas a afalagar, a deprender,
a compartir, a poner la mesa en casa ...
Deprendí que nun llegabas porque ñacisti piquiñu.
ñacisti piquiñu al alcontrate cada vegada,
cada vegada y siempres q'you t'alcontraba.
Nun sei porquei asina ñacisti. Pero...
Deprendí que nun llegabas porque ñacisti piquiñu.
Doite un abrazón amigu y; ¿sabes?
Na tierra. Na tierra quedemos.
Y un volcán quemóunos más untavía,
cuandu yéramos cernada,
apechugounos y fízo diamantes d'aniellos verdadeiros de boda.
L'ácidu de los butiellos,
l'orín de las vexigas,
xugóu con tierra y colas ñubes,
escorrióu por areninas,
baxóu por pallabras craras,
y fizose augua de fuente artesiana,
que curóu la sede.
El sangre secu nun sei que fizo.
Nun sei si vola que vola,
nun sei si roda que roda,
regóu corazones outra vegada,
regóu corazones, y...
¡You vi n'ellos cumo l'amor ruchaba!
La desesperanza feicha manteiga,
subióunos a la montaña.
La feura, d'ánima o, y de cara,
peguémosla al cariñu,
y dióunos guapura axeitada.
Tras guelpe na cara parao,
perdon y abrazu.
Bolsos pesaos y frieos enchenos d'euros,
d'amor llixeiru llenorunse al dalos de balde,
que volóu colas ideyas y cometas de rapaces,
cometas d'algodón, llinu o llana.
Y foi ouru, beisu.
Y sol y augua.
Y foi too lu serenu, y ye,
y sigue bogando.
De respirar fumos prietos,
dióunos l'árbol aire craru.
Outru dié you durmí'n briciu piedra,
un rapá acucho sobre mí agora .
You que desnudu ñaciera,
desnudéi la vuesa alma.
Y veo qu'ánimas caidas,
unas a outras llevantan,
y el mal tornan a bien,
llegóu l'amor,
veo calma.
¡Miráilu ente too! ¡Velaí!
¡velaí ta! ¡miráilu! ¡mira!
Velaí n'esa cagayona,
onde sal bien moza y guapa,
sana, cuitadina y pura,
una frol pincha y curiosa,
una frol roixina, y branca.
¡Que fiede a tierra moyada!
¡Que trae buena alcordanza!
¡Fiede a piel de vida amada!
¡Mira la nuesa esperanza!
Un riberanu.
-GLOSARIO(por orden de aparición):
cuchu: abono.
cheira: huele.
fégado: hígado.
butiellu: estómago.
gorxa: garganta
gurgullón: borbotón
escuru: oscuro
feichos: hechos
cayer: caer
güeyos pechaos, y embozaos oyíos: ojos cerrados y tapados oídos.
mosquilones: golpes
enceso: encendido
manteigas: mantecas
bandullu: barriga
atropadas: cogidas
afuegan: ahogan
semando: sembarndo
fugaza: hogaza
ruin: pobre, miserable, con el sentido de pequeño, de aspecto débil.
bermeyu: bermejuela, pez.
arranques: ataque de ira.
deprendan: enseñen.
acuchen: Arropen y mimen.
afalagara: halagara, de halago.
llana: lana
escambriones de fierru: espino albar de hierro.
acumpara: cuadra, afina, casa.
cogüelmada: colmada
fedor: olor.
diendo: yendo
vegada: vez
llau: lado
tueiru: tronco.
sofitaba:sujetaba.
cayí: caí.
cernada: ceniza.
esturáu: muy seco, casi quemado.
ñacisti: naciste.
alcontrate : encontrarte:
asina: así.
untavía: todavía.
apechugounos: nos apretó.
aniellos: anillos.
escorrióu: fluyó.
ruchaba: brotaba.
feura: fealdad
guelpe: golpe.
enchenos: llenos.
llixeiru: lijero.
de balde: gratuito.
ideyas: ideas.
rapaces: niños.
llinu: lino.
foi ouru, beisu: fué oro, beso.
bogando: flotando.
prietos: negros.
briciu: cuna
ñaciera: ha nacido
cagayona: cagada grande.
cuitadina: pobrecita, que da pena, o que és un poco débil, o que no sabe lo que le espera, en este caso con sentido de cariño.
pincha: bien arreglada, maquillada, y también con el sentido de orgullosa de sí misma.
curiosa: bien hecha, guapa, con el sentido también de tener un tamaño adecuado en este caso.
alcordanza: recuerdo.
.jpg)
